Qazaqstan Respýblıkasy Investısııalar jáne damý mınıstrliginiń buıryǵy №184

2015 jylǵy 24 aqpan,  Astana qalasy Jaǵalaý beldeýin paıdalaný qaǵıdalaryn bekitý týraly «Ishki sý kóligi týraly» 2004 jylǵy 6 shildedegi Qazaqstan Respýblıkasy Zańynyń 9-baby 1-tarmaǵynyń 26-9) tarmaqshasyna sáıkes buıyramyn: 1. Qosa berilip otyrǵan Jaǵalaý beldeýin paıdalaný qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev): 1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártipte memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaýdy ózime qaldyramyn. 4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Investısııalar jáne damý mınıstriniń mindetin atqarýshy J.QASYMBEK «KELISILDI» Qazaqstan Respýblıkasy Energetıka mınıstri __________________A.S.Mamytbekov 2015 jylǵy 16 naýryz «KELISILDI» Qazaqstan Respýblıkasy Energetıka mınıstri __________________V.S.Shkolnık 2015 jylǵy 17 naýryz Qazaqstan Respýblıkasy Investısııalar jáne damý mınıstriniń mindetin atqarýshysynyń 2015 jylǵy 24 aqpandaǵy №184 buıryǵymen bekitilgen Jaǵalaý beldeýin paıdalaný qaǵıdalary 1. Jaǵalaý beldeýin paıdalaný qaǵıdalary (budan ári – Qaǵıdalar) «Ishki sý kóligi týraly» 2004 jylǵy 6 shildedegi Qazaqstan Respýblıkasy Zańynyń (budan ári – Zań) 9-baby 1-tarmaǵynyń 26-9) tarmaqshasyna sáıkes ázirlendi jáne jaǵalaý beldeýin paıdalaný tártibin aıqyndaıdy. 2. Qaǵıdalar Qazaqstan Respýblıkasynyń ishki sý joldarynda qyzmetti júzege asyratyn jeke jáne zańdy tulǵalarǵa qoldanylady. 3. Osy Qaǵıdalarda mynadaı negizgi uǵymdar paıdalanylady: 1) jaǵalaý beldeýi – ekologııalyq talaptardy saqtaı otyryp, navıgasııalyq belgiler men jabdyqtardy ornatýǵa arnalǵan, jaǵalaý syzyǵynan bastap eni jıyrma metr sý obektileri jaǵalaýy boıyndaǵy qurlyq beldeýi; 2) ýaqytsha kerek-jaraqtar men júzbeli qurylystar (budan ári – qurylystar) – kemelerdiń qaýipsiz toqtap turýyna, júkti óńdeýge jáne qyzmet kórsetýge arnalǵan ýaqytsha ınjenerlik gıdrotehnıkalyq qurylystar; 3) ýákiletti organnyń kásiporny - qyzmet kórsetiletin shekaralar sheginde kemelerdiń qaýipsiz júzýin qamtamasyz etý maqsatynda ishki sý joldaryn jáne keme qatynasynyń gıdrotehnıkalyq qurylystaryn (shlıýzderin) tıisinshe kútip ustaý jáne damytý úshin óndiristik qyzmetti júzege asyrý negizgi mindeti bolyp tabylatyn ishki sý kóliginiń memlekettik kásiporny; 4) ishki sý joldaryn keme qatynasy jaǵdaıynda qamtamasyz etýmen baılanysty jumystar – ishki sý joldaryndaǵy sý túbin tereńdetý, túzep-jóndeý, traldaý, sý túbin tazartý, izdestirý jáne navıgasııalyq jabdyq quraldaryn ornalastyrý men kútip ustaý jónindegi basqa da jumystar. Osy Qaǵıdalarda Zańǵa sáıkes ózge de uǵymdar paıdalanylady. 4. Qalalyq eldi mekender aýmaqtarynan tys jerlerde ornalasqan ishki sý joldary sheginde jaǵalaý beldeýi jáne akvatorııaǵa irgeles ýchaske ýákiletti organnyń kásipornyna óteýsiz negizinde turaqty paıdalanýǵa usynylady. 5. Ishki sý joldarynyń jaǵalaý beldeýinde ýákiletti organnyń kásiporyndarymen ýákiletti organnyń aýmaqtyq qurylymdyq bólimshelerimen kelisilgen belgilerdi qoıý shemalary boıynsha navıgasııalyq jabdyqtyń jaǵalaý quraldary qoıylady. 6. Navıgasııalyq jabdyqtyń jaǵalaý quraldarynyń kórinýin qamtamasyz etý úshin Qazaqstan Respýblıkasynyń Orman kodeksine sáıkes jaǵalaý beldeýinde ósip ketken aǵashtar men butalardyń kesilýin júzege asyrady. 7. Ishki sý joldarynyń jaǵalaý beldeýinde navıgasııalyq ottardy qospaǵanda, keme júrisine qaraı baǵyttalǵan qandaı da bir turaqty ottar ornatýǵa jol berilmeıdi. Ýaqytsha ottar keme júrgizýshilerdiń kórmeýine jol bermeý jáne táýliktiń qarańǵy kezinde navıgasııalyq belgilerdi tanýǵa kedergi jasamaý maqsatynda keme júrisi jaǵynan qorshalynady. 8. Ishki sý joldaryn keme qatynasy jaǵdaıynda qamtamasyz etýmen baılanysty jumystardy júrgizý kezinde ýákiletti organnyń kásiporyndary tehnıkalyq flot kemelerin jóndeý, jabdyq brıgadasy bazasynyń turýy jáne navıgasııalyq jabdyqtyń quraldary qoryn saqtaý orny úshin jaǵalaý beldeýin jáne oǵan irgeles akvatorııany paıdalanady. 9. Qajet bolǵan jaǵdaıda jaǵalaý beldeýinde navıgasııalyq jabdyqtardy daıyndaý jáne jóndeý, kemeler men ózge júzý quraldaryn arqandap baılaý jáne turý, aılaqtaý, jabdyqtardy tıeý, túsirý jáne saqtaý úshin qajetti qurylystar salynady. Osy maqsattar úshin ýákiletti organnyń kásiporyndary jaǵalaý beldeýi sheginde ornalasqan jer qoınaýy jáne jer qoınaýyn paıdalaný týraly zańnamaǵa sáıkes topyraq, tas, gravıı, Orman kodeksine sáıkes aǵash jáne butalardy paıdalanady. 10. Túbin tereńdetý jumystaryn júrgizgen kezde jaǵalaý beldeýine ózge qaýipsiz oryn bolmaǵan kezde keme jolynan sorylǵan topyraq úıindisin jasaıdy. 11. Túbin tazartý jumystary júrgizgen kezinde jaǵalaý beldeýi shyǵarylǵan qoqys jáne keme qatynasyna qaýip tóndirgen basqa da zattardy ýaqytsha saqtaý úshin paıdalanylady. Bul rette ýákiletti organnyń kásiporyndary olardyń sý obektisi arnasyna qaıta túsýiniń aldyn alý boıynsha, onyń ishinde sý deńgeıi ózgergen kezde qajetti sharalar qabyldaıdy, al jumystar aıaqtalǵannan keıin olardy shyǵaryp tastaý qamtamasyz etiledi. 12. Jaǵalaý beldeýi shekterinde rýda emes qurylys materıaldaryn óndirýdi, orman kesýdi, kópirler salýdy jáne basqa da jumystardy júrgizetin uıymdar osy beldeýde ornalasqan keme qatynasy muqtajdyǵyna arnalǵan navıgasııalyq jabdyq quraldary men qurylystardyń saqtalýyn qamtamasyz etedi jáne jumystardy júrgizý kezinde bolǵan osy qurylystardyń zaqymdalýyn ýaqtyly túzetedi. Ýaqytsha jumystar júrgizý úshin ishki sý joldarynyń jaǵalaý beldeýin paıdalanylatyn uıymdar jumystardy aıaqtaǵannan keıin olardy tazalaýdy jáne ornyqtyrýdy qamtamasyz etedi. 13. Eger ishki sý joldarynyń jaǵalaý beldeýi sheginde sharýashylyq nemese ózge de qyzmet keme qatynasy qaýipsizdigin qamtamasyz etýmen úılespese, mundaı qyzmet júrgizilmeıdi. 14. Akvatorııada jáne ishki sý joldarynyń shegindegi jaǵalaý beldeýinde ishki sý joldary men jaǵalaý beldeýiniń jaǵdaıyna teris áser etetin jáne (nemese) olardy paıdalanýǵa qıyndyq týdyratyn qadaǵalaýsyz kemelerdi, ǵımarattar men qurylystardy qaldyrýǵa jol berilmeıdi. Buıryq Qazaqstan Respýblıkasynyń Ádilet mınıstrliginde 2015 jylǵy 29 sáýirdegi Normatıvtik quqyqtyq kesimderdi memlekettik tirkeýdiń tizilimine №10847 bolyp engizildi.